الرئيسية / فنون وثقافة / محجوب شريف : مليون سلام يا شعبنا …

محجوب شريف : مليون سلام يا شعبنا …

Sudan voices                                   

محجوب شريف

مليون سلام
يا شعبنا ومليون حباب
والاغتراب
يا ابونا ما طول الغياب
الاغتراب فال البخونك ويزدريك
ونحن بين سنكيهو والزنزانة
والسجن السميك
منك قُراب
أحرار وحريتنا في إيمانّا بيك
ثوار بنفتح للشمس في ليلنا باب
لي يوم جديد
وبنفتديك
وحنفتديك
ما بنرمى إسمك في التراب
وعيونا تتوجه اليك
إنت المعلم والكتاب
*
أبداً جُذورك فينا تمتدَّ وتجيك
والبزدريك
ياويلو من زحفك عليهو
ومن مشيك
يا ويلو من أجَلو الوشيك
يوم ينكسر قيد الحديد
والسنكي والزنزانة والسجن السميك
وخطى الشهيد
من حولو تهدر والنشيد
وإنت الشمس من بين إيديك
تطلع عليك من كل باب
مليون سلام يا شعبنا ومليون حباب

ـــــــــــــــــــــــــــــــــــــــــــــــــــــــ

اضف رد

لن يتم نشر البريد الإلكتروني . الحقول المطلوبة مشار لها بـ *

*